Müşviq Bayramov
2016-cı ildə Sertifikatlaşmış Baş Layihə meneceri İPMA B sertifikatına layiq görülmüşdür.1993-cü ildə Azərbaycan Dövlət İqtisad Universitetini, 2003-cü ildə Azərbaycan Milli Elmlər Akademiyasının aspiranturasını biitirmişdir. 2000-ci ildə Azərbaycan Respublikası Təhsil Nazirliyi, Elmlər akkademiyası və Beynəlxalq Əməliyyat şirkətinin birgə keçirdiyi gənc alim və tələbələrin elmi-tədqiqat işləri müsabiqəsinin qalibi olmuş və II dərəcəli diploma layiq görülmüşdür. 2003-cü ildə elmi işini müdafiə edərək İqtisadiyyat üzrə fəlsəfə doktoru elmi dərəcəsini almışdır. 2003-cü ildə ABŞ-ın Oklahoma Universitetində enerji bazarlarının tədqiqatı sahəsində təcrübə keçmiş və elmi araşdırmalar aparmışdır.
2003-cü ilin sentyabr ayından bu günə qədər Azərbaycan Respublikası Dövlət Neft Fondunda çalışır. Dövlət Neft Fondunda təhlilçi vəzifəsindən bölmənin müdir müavini vəzifələrinə qədər yüksəlmişdir. Hal hazırda Büdcə proqnozlaşdırma və layihələr departamentinin müdiri vəzifəsində çalışır. AR Nazirlər Kabinetinin Sərəncamları ilə yaradılmış müxtəlif dövlət komissiyalarının üzvü kimi fəaliyyət göstərmişdir.
Azərbaycan Respublikasının Prezidentinin 29 dekabr 2009-cü il tarixli Sərəncamı ilə Dövlət Neft Fondunun inkişafındakı xidmətlərə görə “Tərəqqi” medalı ilə təltif edilmişdir.
